هووز° خفتوو تا وە کەێ هەر هاینە خەو؟!
وا نییە، خەو دەس خۆەێ وەشانو چێ...
سعید_عبادتیان
سسه‌و كه ئێ ته‌نافه تا نه‌تاسم
سسه‌و كه تا بێاێگه‌و بان هه‌ناسم
له‌تی نان و گۆپئ ئاو و جگێ عشق
ده یه فێشتر برا مه‌ر م چه خواسم!
زاهر سارایی
ده‌ێ خاكه فه‌قه‌ت ده‌س وه دووا هێز گری
نیشێ خه‌م ئو خوسه‌و بڵا هێز گرێ
ئاگر چگه ده‌ێ كه‌موته‌رێ ده‌ێ نیه دی
ده‌ێ باخه فه‌قه‌ت دۊ قڵا هێز گرێ
جلیل صفربیگی
شەوق ترەک ها لە سەرم، ڕووژ ترەک ها لە وەرم
باێە لەنو بێامە دی، تا بوِومە مناڵ تر
سمیه_مهری
هه‌ر سفره ک بۊ زگْ گێیا شێوانه‌ێ
یا سیخوڕییه‌یلْ ئاشنا شێوانه‌ێ
خان داشت ئه‌را شا كڕ‌و‌نیشان کیشا
شووفاریی یه‌ێ بووره‌پیا شێوانه‌ێ
بابك دولتی
تا له‌شکه‌رێ له ئافره‌ت هانه خه‌وه‌ر، دی دڵنێام
وه‌و مه‌وجز چه‌و که‌وکه‌وه‌و یانە زه‌مان هه‌ڵگه‌ردنن
جلیل اهنگر نژاد
باێەد هەڵسم بوو نەکەم
تا وەێ نمرچە خوو نەکەم
ژیــــــانم بوو نمرچێ تێ
بوو خنگ، لە بن° پرچێ تێ
سه‌عید عبادتیان
وە‌تن نـــە‌وسد بۆە‌س! میوە گرانە
وە‌پید وادە‌ێ بهەیشتو میوە دانە
خە‌وە‌ر دێرم گە‌نم داشتو دزینە‌ێ
دە‌رانە‌ێ خواردنم، لێوا بە‌ســانە
ایران_علیکرمی
له ئی ده‌س و ئه‌و ده‌س سنوورا
دو سه‌رباز هاوزوان وسانه‌سه پاوه
هه‌ر کامیان
قسه‌گان تفه‌نگێگ ک کردنه‌سه‌ی شانیا
ئه‌ڕا ئه‌واکه وه‌رگیڕی دکه‌ی!
احسان_نجفی
خواس تا شاد ک ئاباد ئەمان وێران بۊ
خواس بو تا دە خوەێ ئازاد ، ئەمان نان بردەێ
هە تەنافەو هە شەقاتە هە چەپاڵەو هە چەقوو
خاک بەێ هرچگە ژین ، هەرچگە ژن ژان بردەی
حسین_شکربیگی
ئێوارە
چوار سەرباز
وە چوار تەور گوڵدەم
ڕشیایۊن وە مل دارێگا و
پسا قەڵ پەڵێ کردن
دار بەڕۊێگ
ک بێ پاسپورت
وە دزیەو
وە زگە خشی
وە ژێر سیمەیلا
لە سنوور ڕەێ بۊد
تا سەر بەێد لە باوان..!
مەسعوود قەنبەری
نە قەسیدە
نە غەزەڵ
نە دوبەیتی
چوارپارەیێگە
نێشتمانەگەم
موسته‌فا به‌یگی
(رودوس فه‌یلی)