شەفەق نیوز/ سەرۆک هەرێم کوردستان نێچیروان بارزانی، ئمڕوو پەنجشەممە، سەرەخوەشی لە مردن خانمە شاعیر و نویسەریگ کورد کرد.

بارزانی لە بەیاننامەیگ ئاژانس شەفەق نیوز دیەسێ وت "وەبوونەی کووچ دویایی خانمە شاعیر و نویسەر ناودیار دیا جوان، گەرمترین سەرەخوەشی خوەم ئاراستەی خێزان بەرێزی و کەسوکاری و گشت نویسەر و رووشنهویرەیل کوردستان کەم".

وتیش "دیا جوان وە نووسینەیل دڵسۆزەگانی و هەڵوێستە نیشتمانییە راسگویەگەی و مرۆڤایەتییە قویڵەگەی،  شوین تایوەت و بەرێزیگ لەناو گەلەگە داشت".