هاتێه وه پێشواز ناز ئه‌برووێ
هساره‌ێ وه ره‌نگ نوقره‌ێ نوو ره‌نگه‌و
کاروانی کاوه گرتیه وه ده‌نگه‌و
کاروانی ئمشه‌و خه‌ێاڵـه خه‌و نه‌و
وه‌و شه‌رت سه‌ر تا پاد که‌متر له چه‌و نه‌و
بنووڕ تــویل ته‌ڕ چوزه‌ێ وه فراوان
پرچ سه‌وڵ سه‌وز چـوی ناس له داوان
سویه‌رمێ خه‌و کیشاس له گلاره‌ێ شه‌و
نه‌قشـمانێ داس له  روی  په‌رده‌ێ که‌و
هساره‌یل یه‌ک یه‌ک وه‌ ناز چه‌وه‌و
گوڵ مێخه‌ک په‌ل په‌ل ده‌ن له وه‌رقه‌وه‌و
هه‌ر که پژوار به‌ر مانگا شه‌وه‌یل بوو
مه‌س له بوو مێخه‌ک و ناز چه‌وه‌یل بوو
رێ و یاری کاوه‌م سویه‌رمــێ چه‌و ها پیم
مشتێ زه‌نگیانه و میه‌رێ که‌و ها پیم