هەر شەو له خەوا هام لە مەێوانه

دوینم جور جاران هەر شێوەێ جوانه

لە ساێەێ لەیل و چەرخێ زەمانە

پەنا بەم وە خەو وێنەێ دێوانه

شەو شەوێ وەناز کەرەم کەێ بەشم

هەزرەتەێ دویری دەرکەێ  لە لەشم

خوەم خەێاڵاتی وەو خەێاڵ خوەشم

لەیل ڕاهەت وە خەو تێتە باوەشم

هەر ئی ئیمشەوە  خوەم له خاو دیمەێ

وه شێوەێ تاووس سەر سەراو دیمەێ

جور دەورێش دەێر لە سەر حاڵ دیمەێ

خەرمان خەێاڵ بیم وەخەێاڵ دیمەێ

داخم دونیا گشت هەر جور خەو بیا

رومانتیک چوی خەو خوەمو ئەو بیا

ڕوژ ساز و سەما و سەر سەراو بیا

شەو شەم و شمشاڵ وەل شەراو بیا

10/06/1988 علی مهرابی