ئمشەو هەناسم دڵ کەنێ، پا دامە گەز کەفتم لە کوو؟
ئمشەو دووارە مردمە، چرچ چەوەیلم کەفت لە سوو
چەن وەختە دیدەم نیەڵگرێ، تاوان ئێ قمشی دڵە
چەن وەخت وڕاوەم هەر یەسە، لێوا مە بوو؟ لێوا مە بوو؟!
لێوا مە بوو یەێ ئمر خوەد، بەیدە دەسەیل هووزێ تەم
زانم ک لە خودادە هەم، بسپار وە ئەو خودامە خوو
نیەگرم لە هووز کافرەیل، خوەم کافر زۊخەو خوەرم
شک شان وە شانم خەفتێە، کوت کرد لە گیانم لوو وە لوو
م هەر وە ساتێ هەژنەوم، رپ ڕپ دنڰ دڵ هەڵوەسان
لافاو بێ دەنڰ تیەێدن و دڵ هەڵکەنێ لەی شارە چوو...
سومەیە سەفەری