نەفەس نەفەس چڕیمەسەد لە دەروەچەیل° گیانمەو!
قەتره وە قەترە بوو خوەشد چکێ وە زۆڵفەگانمەو!
لەێ نیشتمان° بێ نزە دەنڰێ وە گووشما نیەتێ!
تەنیا هــــــــسارەێ چەو تنە ک° ها وە ئاسمانمەو!
زانم شەکەت بۊدە ئەزیز لە جادەگان° بێ کەسی!!!
بەو لە بن° تەنیائیەیل سەرد بنە وە شانمەو!
چۊنە هناسد ها لە لام ئەر هەێ نزیک رێ مەنێ!
کەفتێە نەخش° گوڵوەنید لە بەن بەن° سقانمەو!
قــــــەێرێگە لەێ وڵاتە دی کیشکچی° شێئر تنم
بەێت بەێت لە شێئرەگان° ت° ها وە تک° زوانمەو
معین شاهویسی