هه‌ر شه‌و ديری هه‌چوی شه‌م، به‌ن به‌ن سزی سقانم
كار م ناڵه‌س ئه‌مما كار تۆ نه‌وده ناڵه‌م
بيلا وه‌گه‌رد ناڵين ده‌رچوود ئه‌ره‌ی تۆ گيانم
كه‌ی عاشقه‌يل ده‌ێری هانه ته‌مای تجاره‌ت
بيخود خه‌ريك من بوون دی وا نيه‌و دكانم
تاعات شه‌ست ساڵه‌م صه‌نعان سفه‌ت له‌ده‌س چی
بويشم گوناه كی بی خوه‌م ماڵ خوه‌م ڕمانم
يه‌ی شوخ وه‌چگَه ترسا پيرانه سه‌ر لَه‌وم دا
حاشا ئفاقه نه‌يری بڕيايه دی ئه‌مانم
زاتم نيه تماشای شان و ملی بكَه‌م دی
شوخی ك خوه‌ی وه تفڵی په‌ڕياده بان شانم
عاشق وه‌گه‌رد مه‌عشووق كامڵ بوو ئعتباری
پير و جوان چه ديری ئه‌و تير و من كه‌مانم
«قه‌سری» نه‌وا وه‌هاكوو ناوی بوه‌ی له هه‌ر كوو
هه‌ركه‌س له‌ليد پرسی، بوی هاتك زووانم