خه‌رمان وا برده‌ی سه‌ودا به‌ر بادم
سزیا ئاگر گرت دڵه‌ی ناشادم
تو به‌و وه خاتر شه‌و زنده داریم
په‌ی گه‌ردن که‌چی دڵ بی قه‌راریم
بچوو وه‌و زێده ماوای فه‌رهاد بی
جای عیش شیرین ده‌روین ناشاد بی
ئه‌و جا ک فه‌رهاد قۆڵنگ دا که‌پووڵ
خوین وه دامانش چوی جوو بسا گوڵ
بچوو وه بیستوین شه‌ماڵ ها مردم
تعجیل که‌ر، وه‌ڵڵا دی ئاگر گرتم
بچوو وه جه‌رگه‌ی نه‌وبه‌ر نه‌مامان
په‌یدا که‌ر ئه‌و جه‌م جه‌مین چوی جامان
مه‌هوه‌ش مه‌هوه‌شان هومه‌یلا قامه‌ت
قامه‌ت چوی فتنه غه‌وغای قیامه‌ت
نیشانی بالاش به‌و تا وه پیت ده‌م
ئه‌وسا خوه‌ش هاتی پاڵات وه بان چه‌م
شه‌ماڵ له‌یلای من شاێ دڵبه‌رانه
بچوو سه‌ر بکیش یانه وه یانه
عه‌رعه‌ر شه‌رمنده باڵای به‌رزشه‌ن
هوور خه‌جه‌ل گونای په‌ری ته‌رزشه‌ن
شاێ دیده مه‌ستان مه‌لایک شیوه
هه‌ر ئه‌ون وه‌ی ته‌ور من که‌رده‌ن لیوه
ده‌سمه داوانت ئه‌وسا وه ئارام
نه‌واێ بڕه‌نجێ ونش ده‌ر په‌یغام
بويش وه‌و په‌ریوه‌ش شاێ دیده جه‌یران
شاهوو شیت بیه‌ن بیه‌و وه سه‌یران