نامه‌ێ کەیخوسرەو وه رووسەم زاڵ
ئەڕا دەرهاوردن بێژەن لە چاڵ ئەرژەنگ
قەڵەم گرت وە دەس نامه‌ش کەرد تەحریر
نووسیاش وە نام بینای بێ‌نەزیر
بەڵێ هەی رووسەم کوڕ زاڵ سام
باش باڵادەس دەلێران تەمام
دایم سپەهدار سپای دلێران
ئەڵ‌‌یەک زەنەنده‌ێ بنچینه‌ێ دێوان
شێر سەرفراز خاون‌زات جەنگ
کوشەنده دێوان ئەوڵاد ئەرژەنگ
گەوارای وۆجوود باده‌ێ شیرازی
بنووشوو وە شاد، وە سەرفرازی
مەعلووم بوو جه لات وەختم بێ‌‌وەختەن
بێژەن هەم خەریک زندان سەختەن
به واته‌ێ گورگین شووم ناهساو
کەفتش نه زندان (شا ئەفراسیاو)
هامسەران پەریش شێتەن، سەرسامەن
خوەم هەم تاج و تەخت وە پێم حەرامن
ئاخر وە تەوفیق بینای لایەنام
رووی عەید نوروز نمانام نه جام
معلوم بی جە لام بێژەن ئەسیرەن
نه دەس و نه پاش رووق و زەنجیرەن
رووحش نه تەیران یەوم‌ولمەماتەن
شەوان تا وه روو دیده‌م وە راتن
گیو ئاما وە لات وە سەد داخ و خەم
ئومید هەن جه لات بنمانه قەدەم
چەنی پەێ بێژەن نییەن جای درەنگ
تیارکەر سڵاح جامه‌ێ رووژ جەنگ
سوار بوو وه رەخش تا چین مەبوو کار
بەو نه پای ئەورەنگ (خاسه شەهریار)
-شانامە وە بن‌زوان کوردی گووران نووسریاگە.