ت ْ پرزەێ نەرمە وارانی
گۆڵە زەردەێ وەهارانی
لە هاڵم کەێ خەوەر زانی
هزاران ژان لە دڵ دێرم
ت ْ پرشەێ نۊرْ خوەر دێری
شەوارێگ زڵف لە سەر دێری
لە هاڵم کەێ خەوەر دێری
هزاران ژان لە دڵ دێرم
ت ْ چۊ ماسی هەوزو من
ت ْ تۊلْ تازە ڕەوز و من
ت ْ چۊ سەر سەوز سەوز ومن
هزاران ژان لە دڵ دێرم
دڵم خاو و شییەو مەکە
لە قات ْ زڵف جییەو مەکە
زەڕەێ مەیلم نییەو مەکە
هزاران ژان لە دڵ دێـرم
هسارەێ شەو پایــــــزم
ئەگەر وە کز ْ کزەو سزم
ئەگەر بێ هاز وبێ نـْـزم
هزاران ژان لە دڵ دێـرم
ت ْ پرشەێ نۊر خوەر دێری
شەوارێگ زڵف لە سەر دێری
لە هاڵم کەێ خەوەر دێـری
هزاران ژان لە دڵ دێــرم
سەعید عبادەتیان