ئه‌و چه‌وه يه‌ێ هه‌مكه ناز و خه‌وه‌ر خوه‌ش هاتێ
نه‌زر ماڵ ئاسمانه ك ئه‌ڕام به‌ش هاتێ
وای ئه‌گه‌ر ئه‌و چه‌وده له پشت ئی ده‌روه‌چه بوو
هووش له زه‌وی له ئاسمان وه‌هه‌رچی ئايمه‌يله چوو
جوور هه‌ڵپه‌ڕگه‌ێ گه‌نم له‌وه‌خت واران وه‌هار
چووپی وا ها ده‌سد هه‌ر خنجگه كه‌ێدن وه‌لار
ده‌رد تۆ له‌بان سه‌ر هه‌ر چی زمستان ناوه
ده‌ورملی له قه‌ێ حه‌رير گيس هويلد لاوه
بيل وه‌هار وه‌بوونه‌ده‌و هه‌ڵاێ وه‌لاێ ناز تنه‌و
بيل گوڵه‌يل ده‌م وا بكه‌ن لای باوه‌ش ناز تنه‌و
خنجگه‌ی شه‌وده‌ره‌گان له‌هوونكی وای مويوده
ڕووشنی هه‌ر شه‌وه‌كی له چه‌رمی قه‌ی ڕويده
چويزه‌گان له گه‌رمی خوه‌ر چه‌و تو جيقه ده‌ن
ئی هه‌مه‌ێ هه‌ساره تا تو بويننه‌و شه‌واره كه‌ن
شه‌ش گله حووری فه‌قه‌ت سه‌روين ئه‌ڕاێ سه‌رد به‌سن
شه‌ش فريشته‌يش شه‌وی وال ئه‌ڕاێ ئه‌نازت دويرنن
هه‌ر خوه‌دی سه‌رگوڵ خاسيل خودا ڕه‌ژ كردێ
هه‌ر خوه‌دی كه‌پوو بويچگ وا هاوردێ
خنجگه‌ێ ئاو زوڵاڵ كيه‌نيه‌گان شاهوو
كه‌وكه‌گه‌ێ لاره‌كه‌ر بان كويه‌ێ داڵاهوو
هوونكی واێ گيسه‌گه‌د بيلا بخوه‌ێده ده‌مچه‌وم
شه‌ربه‌تێگ له‌و ده‌مده بيه كه لاچوودن چه‌وم
كه‌ێ بوياتا كه دوواره باڵه‌و بگرم
تا له به‌رزی ئاسماند هه‌ر وه‌لاێ خوه‌د بمرم