مـه‌ل‌ئاسا بێخه‌م، ئـازاد بیم جوور که‌و
وه شــنه‌ی شـه‌ماڵ، چـه‌وم چیاده خه‌و
ســاێ داربـه‌ڕیـو، گژه‌ێ واێ شه‌ماڵ
هـاوڕازمن بیـن، ئی یـاڵ وه ئـه‌و یاڵ
گــاره‌گــار کــه‌و، فــڕه‌ێ بــاڵ مــه‌ل
بـردنـه‌م وه‌مـاواێ، شـه‌فـه‌ق ده‌مـکه‌ل
خشــه‌ێ پـاێ که‌ڵ، خـڕه‌ێ ڕێـخ ڕاخ
بـــیـنه یــادگـار، لـــه ئــاڵــبــوم نــاخ
ســـوه‌یــل پـــایــز، جــوانــی داروه‌ن
پـــه‌شــێـوی(وێ) بــاڵای دار شـــه‌ن
ئــاو نــوقــره‌یی، کــانــی بــن بــنــار
پاشماوه‌ێ وهفـر، جه‌مبه‌سـته‌ێ نـسار
هـه‌ڵاتن مانگ، پـرشه‌ی نـیور خـوه‌ر
نـیـشانه‌ی(مان) بـین، له کـه‌ل کـه‌مه‌ر
بــو ئــه‌تـر چـنـیـور، بــه‌رزه‌دیـاران
ئــاێــه‌م خـسـته‌ویـر، کـوچـبار یـاران
زه‌ردی گـوڵـــسوو، تـاریـک و لـێـڵێ
ده‌نــگ زنــگـانی، سیـــامــاڵ خـێـڵێ
پــه‌یـک ژیــانــم، لـــێواولــێو کــردن
خـــه‌م و پــــه‌ژاره، لــــه‌لام لاوردن
ڕه‌نــگیـنی ســـروشت، پـاکی ژیـانـم
ڕیـشه داکــوتـان، لــه ڕوح و گـیانــم
لــه‌ی قــه‌ریـبـیـیه، وه‌یـــادیــان مـینـم
فه‌رامـووش نـاکـه‌م، سه‌رچاوه‌ێ ژینم
کاوه خوسره‌وی ـ سوێد 2010.05.28