دايـه‌ نـيـشـتـمان "لـه‌يـلا قاسم" كوو؟
"قه‌يه‌م خه‌ێر"ه‌گه‌ی سوارخاسم كوو؟
وڵــات ئــه‌سيـــره‌ن وه‌ دام ده‌يـــــدام 
شـێـره‌ژنــه‌يل تــرس نـه‌نـاسـم كــوو؟

دايـه‌ خـه‌م نـه‌خوه‌، تـاگـه‌ر م هه‌سه‌م
هـه‌رچـه‌ن دڵـگـيـر و ته‌نگه‌ هه‌ره‌سه‌م
ڕا ئـــازاديـيـد خـوه‌م چــم وه‌مــه‌يــدان
شه‌رت بـوو نه‌سره‌وم، وه‌خاكد قه‌سه‌م

دايــــه‌، گـــه‌رده‌ن ڕووڵــه‌د ئــازا كــه‌
وه‌ره‌و ئـــاســـمــان ده‌ســد دڕا كــه‌
دايــه‌ تــۆ پــاكـی، دوعـاێ تۆ گيراس
پـه‌ی سـه‌ركـه‌فـتـنـم دوعـاو نـزا كـه‌