لە کیوومەرس مورادی
-١-
درەختەێ سەرداوە ساڵم، لەکم نە
ڕژم ڤێو نیفەکەێ باێە شەکم نە
ڤە زوورو لەپ ڤه لەپ هەمە دەم یەک
بچوو ڤێولا بچوو، تەک ئەڵ تەکم نە
-٢-
دڵم هیچ، تووک ِ ئسفاڵتەله بردی
ئێقە ده‌ور ِ خێابونەموون خڕ دی
دو دون بەرفەڕووێ ماشین باوکت
دەس ئەڵ مِ هێز دان و تو سه‌یل نەکردی
-٣-
زڤۆن ِ کوردی
زۆن کوردی، ناومە
زۆن کوردی، نیرمە
دەنگ هوورەی باوکمە
دەمتەقەی باپیرمە
سەر دنم ئەڵ بەرد قەور
خاک لێو ئەڵکەپنم
مژ دەنم ئەڵ ژێرچنە و
تا ک چنەو ئەڵمژنم
زۆن کوردی ناومە
زۆن کوردی نیرمە
دەنگ هوورەی باوکمە
دەمتەقەی باپیرمە
٭فەرهەنگۆک وه کوردی فەیلی
زۆ، زۆن، زڤۆن: زوان ، زمان
نیر ، نۆر: نوور
نیرمە نۆرمە : نور خانە و چشمانم است
دنم : ئەنم
بەردِ قەور : سان مەرار، کوچگ بان قەور
خاک ِ لب : خاک بان لێو
ئەڵکەپنم : قیتەو ددەم
مژ دنم ، ئەڵمژنم: ئەڵمژنم
ژێرچنه: چنه، چناکە
چنەو: وەو جوورە، ئێقەرە
٭شرۆفە
ئی شێعرە وە بنزار کوردی پاڵەیی (فهلەوی/فەیلی) هن ئێڵ کورد پەهڵە یا کودەلی شار دێلێڕان (دهلران)، خوارترین بنزار کوردی ئەڵوەسریایە.