ژیانم ژانە و ژەنیار خەمە

پەژارە داگە پەنجە وەی تەمە

لالا تاشمو ڕەوزەو کەێد هەر دەم

وە حاڵم دونیا بگیرێ کەمە

زەهرا سەلیمی

هەرچی  کەسمه  خڕ   دنانەل  دەمت

دڵ   کەتێ   هَەوەس خوماری چَەمت

هەر چۊ  پەروانه  عشق  یار  وە سەر  

پیتەڵووس   بیمه   وە  شەوق   شەمت

ڕزایەت ڕزایی

نازارەگەم

ڕووخسار چۊ مانگد ک دۊنم

شەکەتی لە ڕووخسارم پاکا بوو

ویر چین لە سەرم کەفێ

ئەو وەختەسە ک ناو پیرووز ئەوین

وەماچێ وە قەێ تێوەڵد هەڵکەنیەێ .

زانی م تو لە ناو ئەو هەمگە نیشانە هەڵوژانۊم

ئەسڵەن یە بزان تو ک دێرم سەرخوەشم

چمان پیاڵەێگ لە شەراو

دووسد دێرم هەڵکیشامەسە سەر

ئەویش لە کۊزەێ پڕ پەێمانەێگ لە مەی ژیاین.

ئازەر فەراهانی

هەڵگەردان: سادق جەلیلیان