کەی تـیەیدنـەو  وەلاێ دڵـم .ئـەسـر چـەوەیلم بسـڕید؟

وە ژێر چـەو سـەیلـم بـکەی .نـاوەم وە نـازەو بـچـڕید؟

تِ  بـخـوەنـی م  بـخـەنـم .بــلـوور  وە  بـەزمـد بــژەنــم.

خـەرمـان زوڵـفـد شەن بـکەم. پەردەێ خەیـاڵـم بــدڕید؟

مـەیلـەم  وە جـێ.تـەنـیا مِــرِم. وە شـوون تِ بـاڵـەو گِرِم.

دی هـامـشـوو لێـم قِـت  نـەکـە.ئـەڕا  وە مـاڵـم  پـا بـڕید؟

 ئـارام ئـسڵام ئـابادی

هەر شەو خەم وە بان دڵم چادر دەێ

خەوەر وە هاتن عشقێ نادر دەێ

چەوِم کەفتە تو وەی نوکتە ڕەسیم

مانگ وە خوەر بەدتِر ئایەم ئاگر دەێ

جەلیل خانی

هەێ دڵ زاڕوو وەزم، پەڵپ نەگر جار تر

دی وە دیارێ نییە، ک گرتگە یار تر

هەگ سەرێ خوەێ خوەشە دی نەوە سەربار ئەۊ

سەر ک وە بارێ بووێ، سەر ئەڵ تو دێ  جار تر

بێ تو وە هەر کۊچە چم، داخ تو تازەو دوێ

هەێمە گرم عاشقەیل، ڕا چە چنە شار تر

داخ چنەو دایەسەم، ڕۊ دە شەقاتە نەخەم

هەردەفە سیکارێ دەم دامە وە سیکار تر

وە شەوق و زەوقەو یەکێ نەقڵ تو کرد و وتم

ئزافە وەێ شارە بۊ، یەێ گلە خەمبار تر

ڕا یە هە کەی خار م، نەون خەریدار م

خوەت نەخە زامەت هە خوەم نیەچم وە بازار تر

دە دار دنیا نەوی دار و ندار یەکێ

باتە تەنافێ بوەی بچی وەرەو دار تر

 مووسا ئەمایی