مــە تـەنیا دارەگەێ نــاو تاقوەسانم
مــە فـەرهــادم وە تێشه کۊە ڕمانم
مە جۊ یووسف ئهسیر دەست یاران
وە ئـاوە کـەوسەریش وشکـە زوانم
ڕەفیقـان ئـیـوە بۊنین و خـودادان
نـەکەن مەنـعم کە بێ ناو و نیشـانم
بگردم کۊە وە کۊە مەنزڵ وەمەنزڵ
لـە چین و مسر و ڕووم تا کوردسانم
وە شوون تاڵێ زوڵف و خاڵ یەی گوڵ
پـەریشان خـاتـرو خـەم ها وە شانم
نـەخوەش دەرد عەشقم وای وە حـاڵم
خودا چـارەی مە چەس دی ناتەوانـم
میهری ئهکبهری
هەی داد لهی ڕووژه دی کهس یار نییه
جوور ئهوسا کهسی وهفا دار نییه
مه هاوسای خەمم، پڕ له پهژارەم
دی کەس وێنەی م خەم وه بار نییە
خەم ها وه سینەم چۊ کۊەی پهڕاو
خهم بێ وه بهشم دەس وهر دار نییه
بێ یار کرماشان ویرانهس ئەڕام
سوورهگهم تۊشه ڕێ هاوار نییە
دونیا وه بێ ئشق دڵخوهشی نەیرێ
ژیان وه بێ توو دی وه کار نییه
وەتهن وە بێ دووس یانێ قهریبی
بێ ئهو گوڵستان کهم له خار نییه
ئاگر بکهینهو گشت جا تیهریکه
مانگ ئهزیزم ناو شهوار نییه
دووسان بنووڕن حاڵ بهد حاڵم
دی تاوێگ ئەڕای ئنتزار نییه
دووس جارانم ئیمساڵ بهورهوه
هاز و ههناس ساڵ پار نییه
ههموو وهرزی ساڵ بوو وە زمسان
ڕەنج بێوهرم دی وههار نییه
زانم ڕووژێ تێد چهوم ڕووشن بوود
دونیا ئاشتی بوود قین و قار نییه
ئهوسا جار بێهم له شار و دههات
یارم هاتێیه جی گوفتار نییه
میهرئ ئهکبهرئ
باشە ماڵ گەردی هەردە وە هەردە
ئمڕوژ ڕووژ مەرگ زمسان سەردە
لە خوەرەتاوان سەفا و سەێرانە
لە تەرکە بانان چووپی جەێرانە
نەوروز یادگار کونە ساڵانە
تەنیا دڵخوەشی کوردەماڵانە
بانان