یەی رووژێ نیشتم لە پاێ سەنگ ئاوێ

لە لێ پرسم لە خاس و خراوێ

وەتم هەی سەنگ ئاو تەنیا مەنیدە

لەی ڕووژگارە راسێ چوە دیدە

سەنگ ئاو هاتە دەنگ وە ئزن یەزدان

دەرد دڵ خوەێ ئەڕام کرد بەیان

لە بنەی سوو تا ئێوارە ئێرە جامە

من تەک و تەنیا لێرە وسامە

لە رووژێ ساتێ تێ پەلەوەرێ

ئەڕای ئاوخواردن تیەی  خەوەرێ

قەێر خوەم لە کەس من نەێرم خەوەر

ئی دونیام وەی جوور لەلێم چودە سەر 

جز خاووخەیاڵ هۊچ نیە لە سەرم

تو لە رووژگار بکە باخەوەرم

وەتم رووژگار خوەی مێنیدو بەس

کەسی نیەزانێ ئاقەبتێ چوەس 

دونیا فانییە نەیرێ دڵ بەسان

خوەشاڵ وەهەر کە گوڵێ لی هەڵچان

دونیا تا وە سەر وە کەسێ نێیان

یە خەیاڵە دڵ وە دونیا بەسان

رووژگار هەر وەی جوورە چودەسەر

کەس لە سات تر نەێردن خەوەر

      ئەلی میر سەفەری