به‌و له‌ماڵ دڵ وازى بكه‌یمن
ئاهه‌نگ دڵمان سازى بكه‌یمن
له‌پشت په‌رده‌ى دڵ ته‌ماشاى تن كه‌م
تن ئومیدمى، پشتنم تون كه‌م
دایمه جوى بوڵبوڵ هامه ده‌ور گوڵ
تن گوڵ منى ڕیشه‌د ها له دڵ
ئاواز بوڵبوڵ لاى دڵبه‌ر خوه‌شه
دار به‌رهه‌مدار وه ڕیشه‌و گه‌شه
تن گوڵ منى دار و ڕیشه‌دم
خه‌فه‌ت لاده‌ر سه‌ر و سینه‌دم
دڵم لانه‌ده ، لیزه تى بگر
گشت گوڵ سووى ئاوازد بچڕ
با ئاشكه‌را كه‌یم عشق پاكمان
ترس لا بیه‌یمن له ناو خاكمان
تن قسمه‌ت منى منیش قسمه‌تتم
دیوانه‌ى پرچ و ده‌م و نه‌فه‌ستم