من له‌گوڵ بوڕیه‌م گوڵى به‌شمه
تن به‌و وه‌گوڵكار گوڵزارانمكه
****************
ساى چه‌مه‌ن خوه‌شه گوڵ وه‌نازه‌وه
وه‌لاروله‌نجه‌ى بى ئه‌نازه‌وه
بوو عه‌تر و عه‌بیر هووش تیه‌ریگه سه‌ر
ڕوى له‌باخچه‌گه‌ى نازارانمكه
*****************
گوڵاوباش ده‌خیل بووه‌ره‌م وه‌ساى گوڵ
با حه‌سره‌ت كاڵ كه‌م بكیشمه دڵ
من له‌گووشه‌ى خه‌م گوڵ له‌ده‌یشت وده‌ر
دویر له‌ئاه سه‌رد دڵزارانمكه
******************
كى دیه بوڵبوڵ وه هاواره‌وه
به‌شى نه‌مینیگ گوڵ وه‌داره‌وه !!
ناڵه‌و هاوارم دونیا گرته‌وه‌ر
ته‌ماشاى كزى په‌ڕ شارانمكه
******************
گوڵاوباش تویه‌نید جه‌ورم بكیشید
تاوى له‌جیاى من لاى گوڵ بنیشید ؟
وه‌زوان من بویشه گوڵ نازپه‌روه‌ر
یاد بنه‌و باوان لاى یارانمكه