يـه‌ی دووسـێ ديـرم كورد فه‌يلييه
دونـيــا بـگـه‌ردی لـه ويـنـه‌ی نييه
مـاڵـم وه خـه‌ێــرێ يــه چ نـــازاره
تـه‌نـيـا كـه‌سمـه لـه‌نـاو ئی شاره
مــانــگ شه‌وه‌يل و خــوه‌ر ڕووژانـه
چـه‌وه‌يـل كـه‌وێ چــــۊ ئـاسـمانـه
ئه‌و كـورده‌لـيـه‌و منيش مه‌ڵكشاێ
خـودا بـكـه‌ێـدن بـه‌ده‌و ڕێـی نـــاێ
يـــه‌ی دووسێ ديرم كورد سورانـه
چه‌وه‌يلی سه‌وز و گيسی هۊلكانـه
بـاڵاێ چـۊ چـنـار، سـه‌رێ سه‌رفراز
نـازگ قنـج و قيت، پڕ له‌عشوه‌و ناز
شـه‌وی قـرمـزی گـوڵ گوڵی له‌وه‌ر
ئـاگـاداری بــوو خـوداێ بــان سـه‌ر
ئه‌و تـاڵه‌بـانی مـنيـش مه‌ڵـكـشاێ
يه چه‌نـی ساڵـه م هـامـه تـه‌مـاێ
يه‌ی دووسێ دێـرم كرمانج زووانه
خـه‌ڵـك عه‌فرين و زايـنـده‌ی وانــه
پرشه‌ێ نـۊرێ تێ ئه‌وقه ڕه‌نگينه
نـاوقـه‌ێ باريـك و زه‌ڕه‌ێ شيرينه
لـه پـرچ و پـاكـی، ميـنێـده گـوڵێ
مـاڵـم وه نـه‌زر بــاڵاگـه‌ێ كـوڵـێ
ئـه‌و زێبـاری و مـنيـش مه‌ڵكشاێ
دنـيـا تـيه‌رزێ خـاڵ سـه‌ر گونـاێ
يـه‌ێ دووسـێ ديــرم لـوڕسـانيــه
پـــاكــ و زوڵاڵـــه، ئـــاو كــانــيــــه
نمـه‌ك حه‌ڵاڵ و نه‌جيب و ڕه‌سه‌ن
زپ زرنــگ و خـه‌ســۊره پـه‌سـه‌ن
باوگێ مه‌موومه، خوه‌يشی ئامووزا
فــره وه دڵــمــه، ســقــانــێ ئـــازا
ئـه‌و بـه‌خـتياری، منيش مه‌ڵكشاێ
لـه ڕووژ تـه‌نـگی گيانم ده‌م ئــه‌ڕاێ
يـه‌ێ دووسێ دێـرم لـه‌ك لـه‌كـسـان
لـه كيـسی نـييه‌م وه مفت و ئاسان
لـه بـاس خـاسـی، دی فـره خـاسـه
تـه‌ڵاس، نوقره‌سه، زه‌ڕه، ئه‌ڵـمـاسه
ئـه‌ساێ ده‌سمـه، ئـی دووس لـه‌كـه
يــاران، يــاوه‌ران، يــاره‌گــه‌م تــه‌كــه
ئه‌و كـاكـه‌وه‌نی، مـنيـش مه‌ڵـكشاێ
بـه‌رزه‌دارێـگـه‌و نـيـشتـمـه لـه سـاێ
يــه‌ی دووسـێ دێــرم هـه‌ورامـانييه
جــــاف جــوانـــڕوو، بــاوه‌جـانـيـيــه
شـه‌بـه‌ك، ئـێـزدی، كه‌ڵـهـڕ و گوران
زازا و عــه‌لـه‌وی، كـــورد خـوراسـان
بـخه‌م ده‌ردێـان لـه گيـان دوشمـن
هـه‌رچێ هـاڕێـيـان بـكه‌فێ له من
دووسه‌يلم كوردن، منيش مه‌ڵكشاێ
دۊه‌ت كــوردزووان، گـيـانم وه فداێ