رووژگــــــــــــار

رووژگـار! چەرخد نیەچەرخێ ئەر نەکەی دۊرم لە یار؟

چەرخ چەفتد چەفت چەرخی ئێ جــــــووانە کردە دار

من وەرەو کەش ئەۊ وەرەو بەخت،  فەرقە بەێن چێنمان

لیم سەنیدەێ لید بسێنن ئاز چەرخد، روژگــــــــــــــــار!

جوور تووز گەرتە چۊچانم، وەرەو هەر کوورە چم

ڕێ ژیان گۆم کردمە، وەر چەو سیەس جور دووار

ئـــــــــــــاخ داخم بەر لە شاخ باخ زنگانێ ڕزان

ئاخ شوون چەو مەسم، نیەێلێ هسارەێ لە شەوار

پژواک روشنرەوان

ڕووژەیلم هێمان لە داخد گیرن!

هان لە وڕینە، ژان لە دڵ دێــرن

چـــــۊ دار  وشک لە ناو دارسان

ڕۊچە پەڕی دس خۆەر تاوسان

چۊ کەێکوو بێ بەر لە هاوساێ کەڵ وەن

وە ڕەنـــــج بێوەر، هـــاو دەرد دەروەن

چۊ وەڵنڰ ڕزیاێ، دەرد ها سقانێ

لە هــــۊر نیەوەێدن داخ خـەزانێ

چۊ خۆەر وەیشتانی جەرگێ سزیاێە

هوونــــکی نــــــــسار لە لێ سەنیاێە

ڕووژەیلم هێمان لە داخد گیرن!

هان لە وڕینە، ژان لە دڵ دێــرن

غفار مرادپور