چەوچەیگم من
لە هۊر چیمە یا نەچیمە ؟
نیەزانم خاس !
تەنیا زانم یانەم یەسە
سۊک فکر پیرەمەردیگ
ئەڕا یە چشت هەر مەنمە
بوومە هەست گەرمو گوڕیگ
لە ناو جەمیگ
شایەد بەزمیگ
کاشکا دانیشتنی
وە وشە وشەیل خوەم قەسەم
«تەنیا توام زور زوان هەڵبدڕم»
بوومە دەنگی
لەی دونیای هەزار ڕەنگە
بوومە میوان تین دڵ پیرەژنی
شایەد ڕوژی
شایەد ساتی
وەرجە مردن
وە بی خەوەر
کڕ و کپ و بی هاتوچوو
دۊر لە رەنگو، ئابڕۊ و گیفان
بیمە شایەت عشق پاکیان.
ئارمین چالاک
من بانانه‌گه‌ێ رۊ سه‌ر بساتم
له سال سه‌ردێ چـۊ خوه‌ر هڵاتم
چـۊ خوه‌ر هڵاتم وه ئێڵاخه‌وه
وه‌و ئێڵاخ سه‌رد پڕ له داخه‌وه
له چاره م که‌فتم ئه‌و گه‌ر‌مه‌سێری
ک مارێ ژاراو شه‌وکه‌ران دێری
قڵاگه‌ێ دڵگیر دامه‌نگیرم کرد
تا سه‌رێ خڕ دام پیر پیرم کرد