دارە پیرەگەێ وشک داغانم
بوڵبڵ بارکردێیە لە سەر شاخانم
مەحرووم لە قونچە،غەریب لە باخم
باب سزیانە، سەرپەل و شاخم
وشکم و ڕۊتم، کەس نیەتێد وەسام
مەگەر داربڕەیل بنیشن لە پام
تەشەێ زقومخیز زمسان، ها لەشم
تام ماچ تەور، باێە بچەشم
پیرم، پۊتارم، ترتم، پەکەرم
دۊد سووسەنی، دەرچوود لە سەرم
لە سەر شەختەێ یەخ، لە پاگوڕەێ نار
سەختە بڵازەێ لەش پیرەدار
منیش مەسووزم هەر چۊ ئی دارە
سقانم زخاڵ، موونس نارە
تەنیا ت گەردوون کردەد وە زخاڵ
سزیاید وەزینێ، بەسە ،کەم بناڵ
شاعێر تەنیا