خوەش خوو
وه‌ختی هاتيه شوينه ميلكان رازێلم
وڵاته‌گه‌م كه‌ويری بی
تو پا گوشای چيمه‌ن له ناوی كردی
له پای ديوار هووش رمياگم كووڵا به‌سای
وه‌لی وه‌ختی ئيڵ دا له‌بار
خه‌ڵه‌تانيده‌م
وه‌تی خوه‌شی ئه‌راد سينم
بوومه كوره‌په لاوين ته‌نيايه‌گه‌د
بوومه چراخ نووڕسنت
وه‌ختی ماڵه‌و ماڵ خه‌ياڵم
وه گورزه‌نه‌ی دروست كريا
خه‌ڵه‌تانيده‌م
وه نيش ئه‌بروو سوزانيدێ
وه‌تی حه‌سره‌تم يه‌سه
ده‌سم نيه‌ره‌سيد
باوه‌شێگ خه‌نه و په‌لی ئاساره ئه‌راد بارم
وه‌ختی هيڵ چه‌وم پليا
خه‌ڵه‌تانيده‌م
وه‌تی ره‌نجم بيوه‌ر
چه‌وم كوور
هه‌ناسم سه‌رد
به‌هشتم دووزه‌خ
كه‌و خه‌ياڵم باڵ فڕين نێرێ
تا مزگانی وای نه‌ورووز ئه‌راد باری
عەلی حسێن فەیلی