له بینایی چه‌وم

به‌س میوان خه‌یاڵه و

شه‌وانه تێته خه‌وم.

هه‌رگز دڵم ناکه‌مه

سان سه‌رد سه‌ره‌ڕێ

خه‌یاڵم ناوته وشکه‌ساڵ بیاوان لم.

تماشاکانم سه‌وزه و

هه‌نگاوه‌کانم ڕووشنا.

ئه‌ڕاوه شک ناکه‌م

چم..هه‌ر چم...

تا قوڵتیسه‌ێ خه‌م‌ و خه‌و به‌شه‌ر.

تا ڕووشنای ده‌مکه‌ل

تا مه‌مڵه‌که‌ت نویر

تا ناو تاڵ..تاڵ گیس خوه‌ر.

هه‌ر چه‌ن دویره

به‌ڵام!

ته‌نیا نویره

شه‌فاێ نائارامی ساته‌کان ئومر و

ده‌روه‌چ وه‌ره‌و ئاسو نووڕین.

هێز ئه‌وج شاوه‌ێ باڵ مه‌له

له که‌وکه‌وه‌ی ئاسمان

ئه‌ڕا به‌رز.. به‌رز فڕین.