یه‌ى‌ گوپ شه‌‌روه‌‌ت مانى‌ نه‌‌وین سه‌‌ر بكیش

خوا قه‌‌وه‌‌ت بیه‌یگ بكیش

و بنویس دڵم له‌‌ ئیمه‌‌یل یاران قه‌‌دیمى خالیه‌‌

هامه‌‌ شوون ئاشنا و ڕووشنایێگ له‌‌ سه‌‌ر زه‌‌وى دڵم

ك زووان ئاشنایى مناڵییم وه‌‌ پێم

كلك نیشان بكه‌‌یێ.

قه‌‌یرێ وه‌‌ شوونێ دیم

وه‌‌ بان دیوار فه‌‌یس خوه‌‌یێ

نه‌‌قاشى چه‌‌ن تاڵ گیاى ته‌‌نیا كیشاوى

كه‌‌مێ خوار تریش وه‌‌چكه‌‌ گورگێ سه‌‌ر وه‌‌ هه‌‌وا

وه‌‌ بان ته‌‌توویلكه‌‌یل خاترات باوایێ

قولقولان كردیا

بێ ئه‌‌وه‌‌یگ وه‌‌ براگه‌‌یێ شوون هه‌‌ته‌‌رێ بیا

كاوڕه‌‌ كوورپه‌‌یێ گه‌‌رد من

هه‌‌ر چێ گیایێ ته‌‌نیایى بان فه‌‌یس بوك دڵى له‌‌وه‌‌ڕیا

دڵێشێ چویزه‌‌ چویز بازیى بى

قومچ و نابان ته‌‌توویلك دڵداده‌‌گیگ

دى ك پشییگ چه‌‌مویش و بازیگووش

یه‌‌ى سینه‌‌ قسه‌‌ ئه‌‌ڕا ته‌‌نازى دێرێ.

سیامه‌ك نه‌جه‌فى