خانه‌قين نوور چه‌وه‌يل جه‌رگو دڵم تو نه‌فه‌سی
چوی تويه‌نم له ياد بكه‌م ڕووژه‌يل جوانی و سه‌رمه‌سی
چه‌ن ساڵه دويرم له‌ليد ئه‌سر چه‌وه‌يلم نيه‌وسی
وه خودا هه‌ڵاكم ڕاد چوی بڵبڵ ناو قه فه سى
خانه‌قين به‌هه‌يشته‌گه‌م تو گوڵ باخی تو نه‌رگسی
قه‌ت نيه‌چوو تامى له ده‌م قوخو ئه‌نار و ئه‌شره‌سى
ئاو ئه‌ڵوه‌ن سازگاره قوميگ له‌لى دنيا هه‌رسی
نه ئاو بتڵ مه ئدنی نه شه‌مپانيا وه پی ڕه‌سى
خانه‌قين خاوه‌ن كوڕی خاوه‌ن دويه‌تی چه ده‌ربه‌سی
هه‌ركه‌سی نازد كيشى من ده‌سخه‌مه ناو ده‌سى
جه ور و زڵمو ناله‌باری ماڵويران حوكم به‌ئسی
نائوميد بوی دشمنانت چوينكه ئازاو چه‌و نه‌ترسی
خانه‌قين شار خوه‌شی شار فيدا شار دووسی
ئه‌شره‌ته‌يلد نه‌وه‌ی شێرن ناحه‌ز له تاوی نيه‌وسی
باجه‌ڵانو ئه‌ركه‌وازی جافو ده لوو قه‌ڵه‌وڵسی
كاكه‌يی و سويره‌مه‌يری له ڕووژ ته‌نگ ئه‌راد وسى
خانه‌قين ئه‌زيزه‌گه‌م قڵاى كوردو كورد په‌ره‌سی
كوردسان چه‌وه‌ڕيه بچوه نوا قه‌ت نه‌وسی
ئمڕوو ڕووژ ئازاديه ملله ت كورد تاريخ نويسى
بیبه‌ش نيه وه‌ی ئيسه و دويا له ژير سايه‌ی ديموكراسی