خێیـــــــــــــاڵم پەڕ دەێد پاێ بڕکەێ ئاوێ

شـــــــەوار بێـــــــــــــدەنڰو ژێر ماتاوێ

شێوەێ مانــــــــگەشەو وە ڕۊ بڕکەێ ئاو

باڵاێ نیلــــــــووفەر لەریەێ پێچو تـــــاو

سروەێ کۊەسان سووسەێ شەو شکان

چەتـــــر لەولاوێ ئــــارام مەلەقــــــان

وە ئــــــــــــارام شەکیەێد چۊ قاو زڵفێ

دانیشتــــــۊ لە پاێ گاپــــــــــــارەێ تڵفێ

ژەنێـــــارکەر شـــەو مەوج ئـــاو ژەنی

شێوەێ مانـــڰ وە رۊ لرپەێ ئـــاو خەنی

مەونج دیدەێ م وە ڕۊ مەونج ئـــــاو

نەخش خەێد وە دیدەم چۊ خێاتەێ خاو

واڵ خێیـــــــــــــاڵم مەوج زڵف هـــۊل

ڕۊ بێیازی مل چین خسێە وە لــــــــۊل

هەێمەێ زڵــف هـــــــــۊل تا وە کەمەنێ

ڕەخشیەێد چۊ تـــــاف ئەسپ سەمەنێ

چـــــــــــەو دەم وە دەورا وە تۊن دیاره

ئاهـووێ وەیلان لەێ ناو شــــــــــەواره

دەرکەفتۊد وە دەیشت تاف ئاسکەدەو

هــــــراسان بۊیەو ها پاێ برکەێ کـــەو

د چەو خوتنەنڕەژ دڵ شێـــــــــــرگرێ

شێر شکار کەێدن د چەو دڵبـــــــــەرێ

مف نەێد لە ناو ئاو قەمزە دەێدە مانڰ

تیرێـــــــگ ڕەها بۊ لە نیش بـــــژانڰ

فەرهاد مەهدی نژاد