خەزان هات و زام دڵ کولانەو

رووح و رەوانم وەیەک رەشانەو

تیەریکە شەو بۊ دونیام بۊخراو

زەۊلەرزە هات و خەسم وە ئەزاو

سزیــام و برشیام لە داخ شارم

چینە ژێر خاک یانـــەی دیارم

زەۊلەزە هات و کردیە داخدارم

ئەسرچۊ واران لە چەوم وارم

سزیایە دڵـــــــــــــم رەمیا میلکانم

شارەگەی سەرپیەڵ شاری جوانم

زەۊلەرزەهات و کردێیــە وەیلانم

خـــــــــــەم و پەژارە بۊسە میوانم

زەۊلەرزە هات و شــکان ڕەزم سقانم

هاوارم چـــێ وە هەفت ئاسمانم

زەمین توداشتی ئەنووێ چەن ساڵە

شادی هــەزاران کــــــــــردی وە ناڵە

وە چـــە گونای دیارم رەمانی

چۊخەزان تو گوڵەیلم ڕەزانی

هاوار نەمنیە گڕەی دەماخم

زەۊلەرزە ڕەمان سایەی چەرداخم

قەیارەی فەڵــک قەڵپاچ کرد شارم

دوێس هەزار خەم نیشت لە دیارم

  ئەلی میر سەفەری