تا نگامان باڵ نه‌گرى باڵ مه‌ل دڵ ها وه‌ بن

حه‌سرت په‌رچین   و ته‌ل  داره‌ل  قه‌فه‌سمانه‌ و هه‌سیم

ئى گلوم گیژ دونیا ڕووژ و شه‌و خه‌رمانه‌ مه‌ى

ده‌رده‌داریم و خه‌فه‌ت فریاى ڕه‌سمانه‌ و هه‌سیم

پایزه‌ ڕووژه‌ و وه‌ڵگ و بارم  ده‌سه‌ ده‌س چى تا نه‌هات

بى كه‌سى و بى ده‌سڵاتى، هویچه‌ ده‌سمانه‌ و هه‌سیم

باخ سینه‌ شه‌ق شه‌قا بى وه‌ نه‌ وارانى خوه‌شى

نا ئومیدى و دڵته‌نگى واران شه‌سمانه‌ و هه‌سیم

زه‌خم تینیمانه‌ ئى خوینى كه‌ قه‌ول داسه‌ غه‌زه‌ل

ده‌رد ئه‌ بن بن زنیمان هه‌ر یه‌ به‌سمانه‌ و هه‌سیم