ئاخر ساڵەو دڵ ها هۊر یار

         دەرمان زامێ ها لە سەر مەزار

ئەسر خەمباران چۊ سەیل ڕەوانه

        ئـــــــــــاگر دڵیان کیـــشاس زوانه

دڵخوەشی نەێرن لەی ساڵ نووه

          سفرەی ئەیدیان پیچیاس، لوو لووه

ئەکسەیل هاپێیان وە تاج گۆڵەو

      گیــــــــــرن ئڕایان وە داخ دڵــــــــەو

داڵگێ دۊنم بڕیایە گیسێ

         ناخۊن خەێ لە ناو چەوەیل خیسێ

ماڵو میلکانێ بی دەنڰو چووڵە

      ها لە پاێ قەورێ وە رووڵە رووڵە

ساڵ نوو ئەڕای نەیریدن سەفا

        ئاجزه لە دس دنیای پڕ جەفا

        غەفار مرادپور