چەنێ سەختە وە تەنیایی بکیشی بار هجرانێ

چەنی سەختە وە کەس نەۊشی لە ئی دونیا پەریشانی

چەنێ سەختە کە ڕوژ و شەو نەزانی یارەگەت ها کوو

چەنێ سەختە وەدڵ هەر دەف بیەی وەعدەیل پنهانی

چەنێ سەختە وە حاڵ زار بنۊسی حاڵ مە خاسە 

چەنێ سەختە بگەردیدن ئەڕای ناوێ ک نییەزانی

چەنێ سەختە هێمانیش دڵ وەفاواری بکەید هەر ڕووژ

چەنێ سەختە نەزانی ئەو مەنیە ئاد و پەێمانێ

چەنێ سەختە لە ئی شارە بمینی بێ کەس و تەنیا

چەنێ سەختە بسزید و نەوارێ قەترە وارانێ

چەنێ سەختە نه‌زانێد ئەو ک مەیلم ها لە سەر مەیلێ

چەنی سەختە نەپرسیدن لە من ناوێگو نیشانێ

چەنێ سەختە وەکو شێتی لە کۊچەگان بچید و بای

چەنێ سەختە پەپولەی بۊدو ئەسیر دەس تووفانێ

چەنێ سەختە بزانی ئاخرێ یەشەو لەداخا چید

چەنێ سەختە دەمێ مردن نەنیدن سەر لە سەر شانێ

مێهری ئەکبەری