ئویشن خوەی هەشار کردگە دە ژێر وەڵنگەمارانێ دارەیلێ پاییزی

دەڕە وە دەڕە ، ئشکەفت وە ئشکەفت ، بنار و هامار  

دی نیەتەنم ، دی نیەتەنم وە شوونێ هاوارێ بێدەنگی بچم

هێژدنگ و پەنجەی پای ئومێدم خەرپینە بەسییە

لویلە لویلێ بایێ دروو ، مەزگێ سەرم سووزنێ

دی نیەتەنم ، دی نیەتەنم بوومە خۆڵێ نامێ گەرتەچیچانێ بێخەمی

نەوکێ من و خەم و وڵاتم وە یەکەو بڕیاگە ... ئەی هاکوو ؟!

دیواخان و شەوچرای بێکەس ترین زارووەیلێ وڵاتێ خوەر ؟

هاژە هاژێ مەردمان و وڵاتەیلێ هاماڵ

نوونێ بێیە وەم ، تا وە گۆچانێ ئومێدێ جیلێ بانان بچم وە پیری وڵات

نوونێ خوازم ... تەنیا نوونێ !

وەحید کەمالی