نه‌خه‌ن
وه كوڕه بويچكه‌ڵه‌ێگ ک جاجگ فرووشێ و تو هه‌رگز له‌لی نيه‌سينی!
نه‌خه‌ن
وه پیره‌پياويگ ک له‌كنار جاده وه سه‌ختی ڕێ ئه‌كا و شایه‌د چه‌ن چركه‌ێ كوڵێگ (تأخيرد) بكا..
نه‌خه‌ن
وه مامۆستايگ ک ده‌س و عه‌ینه‌كه‌گه‌ی ها وه گه‌چه‌و و یه‌خه‌ی شه‌ويه‌گه‌ی جه‌مه‌و بويه
نه‌خه‌ن
وه ده‌سه‌يل باوگد،
وه گزگ داين داڵگد،
وه ماڵ هاوساێگ ک هه‌ر شه‌وه‌كيان نان سينێ،
وه شوفێر چاخ ئۆتۆبووس،
وه پاكه‌وكه‌ريگ ک له قوڵه‌ی گه‌رما کڵاو هاسه‌رێ،
وه شوفێره‌يل شه‌وانه ک چه‌ويان ها خه‌وه‌و،
وه پۆلیسيگ ک له‌سه‌ر چوارڕێيان وه کڵاوه‌گه‌ی واوه‌شين ده‌مچه‌وی ئه‌كا،
وه پێشكه‌شكار دوكوت شه‌وار رادیو،
وه پياويگ ک چووده‌‌بان چوارپایه تا شوماره‌ی كاره‌باگه‌دان بنویسێ،
وه جوانیگ ک قالی په‌نج مه‌تری خستگه‌سه كووڵی و له‌ناو كه‌ل و کويچهيل هاوار ئه‌كا،
وه دڕياگی ژێر جووراو که‌سێگ له ڕێوڕه‌سمێگ،
وه پشت و روى بوين عاباى كه‌ێوانوويگ،
وه كوڕێگ ک له‌بن ڕز نانه‌وایی وسياس،
وه پياويگ ک له جاده‌يگ قه‌ره‌باڵغ ئۆتۆمۆبيله‌گه‌ی په‌نچه‌ر بويه،
وه ڕێواريگ ک سوار ته‌کسی بوود و وه‌ده‌نگ به‌رز سه‌ڵام ئه‌كا،
وه ژنێگ ک کیفیگ هاشانێ و نانيگيش ها ده‌سێ و چه‌ن کیسه‌يگ میوه‌وسه‌وزی ها ئه‌و ده‌سه‌گه‌ی،
وه پڕويكيان هاو مه‌دره‌سه‌ييه‌گه‌د له‌پاێ ته‌خته سيه،
وه پياويگ ک له بانک له تۆ ئه‌خوازێ قاقه‌زێگ ئه‌رای پڕه‌و بكه‌ی،
نه‌خه‌ن
نه‌خه‌ن، دونیا قيمه‌تی نه‌يرێ ک تۆ وه بويچگترین ره‌فتاره‌يل ناوه‌جى ئايمه‌يل بخه‌نی
ک هه‌رگز نازانی چ دونیای گه‌وراو پڕ له دويزه‌مه‌يگ ديرن
ئايمه‌يليگ ک هه‌رکاميان ئه‌را خوه‌يان و خانه‌واده‌يان گشت چشتيگ و گشت که‌سيگن!
ئایمه‌یليگ ک وه خاتر رزق ته‌قالا که‌ن،
بار به‌ن،
بی خه‌وی کيشن،
کويه‌نه پووشن،
هاوار كه‌ن و جاڕ ده‌ن
سه‌رما و گه‌رما کيشن،
و جارجاريگيش شه‌رميش كه‌ن…….