بـەو بـنــیش تـا ڕاد م° بـۊشـم دەرد° دڵ!

بـەو بـنـووڕ سـاتـێ وە بــــاخ° زەرد° دڵ!

بـەو بـنــیش یـەێ گـڕ لـە لامـان دی مـەچـوو!

گـۆڵ ت° بـۊش‌و گـۆڵ م° بـۊشـم تـا وە سوو

لـەێ شــــەوار° نـاو وەهارە بـەو بـنــیش!

دڵ لـە شـوونـد بـێ قـەرارە بـەو بــنیـش!

زۊخ‌و زام° بـێ هسـاو هـا لـە چــــــەوم

شـوون° پـاێ واران‌و ئـاو هـا لـە چـەوم

بـوومـە پـــۊش° بـێ نـیـشـان، ئـەر دی بـچـی!

بـوومـە بـەور° کـەش کـەشان، ئـەر دی بـچـی!

سـەد تـەبـیـب، مـن ڕا چـۆەمـە هـەر خـۆەد تـوام!

نـازو دیـدەد مـەڵـهەمـە، هـەر خـــــــــــــۆەد تـوام!

بـوو هـەنـاس° گـەرم° ت° هـاێ گـیـانـمـە!

تــــام° سـێـف° لـێـو° تـــــــــــ° دەرمـانمـە!

بـافـە بـافـە گـیـس° شــووڕ بـەو بـەێ وە پـیـم!

جـام° مـەی بـەهرام° گـووڕ بـەو بـەێ وە پـیـم!

بـەێ وە پـیـم گـۆڵـبـاخـی لـەو بـاخ° دەمـە!

تـا مــــــ° بـۊشـم هـەم بـێـە سـاقـی کـەمـە!

تـا بـچـەرخـێ جـام° شـەوقـد تـا وە سـوو

تـا نـەزانـیـم شـوون° شـاهـان هـا لـە کـوو

بـەو بـنـیـش گـیـسـد بـخـە لـەێ شـانـمـه!

سـووز° ئشقد تـا وە سـوو هـاێ گـیـانـمـه!

 جلال کوهی