وه‌ختێ نه‌نی گیان مووره موور چڕێ
خوه‌ر قیژنید و یه‌قه‌ێ خوه‌ێ دڕێ
ئه‌ور لۊلنێد و وا روو روو که‌ێدن
هساره وه مه‌رگ ئشاره ده‌ێدن
مناڵه‌یل بێ‌جورم له ئاگر سزن
ئه‌ڤداڵه‌یل کوور که‌مووته‌ر دزن
ره‌ش پووشه‌یل ره‌ش وه هه‌ناس ره‌ش
دونیا کیشانه وه حاڵ ناخوه‌ش
قورئان خوه‌نن و ناو خودا چڕن
وه ئسم خودا سه‌ر خه‌ڵق بڕن
له کووره سزێ چوار گووشه‌ێ جه‌رگم
وه ده‌سه‌یل خوه‌م وژنم مه‌رگم
گیانم ها وه سوو وه‌ل ئاگرا
وه مله‌روو که‌م و هه‌ی برا برا
برا وه قوربان ده‌س و تفه‌نگد
تفه‌نگ شکیای، کۊه‌نه‌و بێ‌شه‌نگد
ساڵان ساڵه جه‌وه‌‌ڵه‌یل بڕيد
تیرواراند که‌ن له‌نوو گیان گرید
تو ته‌نیا نید هایدنه خه‌وم
ره‌نج و په‌ژاره‌ێ له چووڵی شه‌وم
تو ته‌نیا نید هایده هه‌ناسم
تو حوسه‌ینید و منیش عه‌باسم
حاڵم خه‌راوه وێنه‌ێ حاڵ تو
ماڵم رمیایه وێنه‌ی ماڵ تو
خواردنم خه‌م و خوراکم ژانه
یه روومه‌ڵ خه‌زان نه‌سڵ ئنسانه
ئه‌ما مزگانی شه‌و قه‌فه‌س شکێد
ئێ قه‌ڵای سیه خوه‌ێ له خوه‌ێ رمێد
س: تاقوه‌سان