بار خەمد لە شانمە
بی تو خوسە میمانمە
دونیا وە کول زندانمە
ئاگر نەخە ئی گیانمە
زەخم دڵم کاری نەکە
مەڵهەم وە ئجباری نەکە
چۊ خۊن ڕشێ وەی گیانمە
ئاگر نەخە ئی گیانمە
وە ناو خەویش هەر تو چڕم
وە شوون تو سەر خوەم بڕم
ئۊشی سە کە قوروانمە
ئاگر نەخە ئی گیانمە
ئەر سەر بچوو قەوڵم هەسەێ
دڵ هەر یەک و ئەو بردەسەێ
پاوەن لە ئی پەیمانمە
ئاگر نەخە ئی گیانمە
بێ عشق تو هۊچم، کەسِم
عشق تو کار داسە دەسم
هەر عشق تو دەرمانمە
ئاگر نەخە ئی گیانمە
جەلیل خانی