دی وەخت° مەنن لەێ شاره نیه
ئێ شـــــــارە جی ئێ ڕێوارە نیه
ڕووژەیلێ تیەڵە، شــەوارێ تیەڵە
سەردە واێ خۊنه، وەهارێ تیەڵە
ئێ شاره سەرماێ سقـــــان سزنه
چارەێ تەنیایی، تەنیا، چگنـــــــه
قەور° قـــــۊلێگە، ئشکەفت° بێ بن
دەروەن° تیەریک، تابووت مـــــردن
م° وا هاوردەم، جۊ وەڵنـــــڰ° دارێ
بان خسەو وەرم، هەر شەو له شارێ
مــــــــ° وا هاوردەم خسەمە ئێـــــرە
دیمە خەو دۊرم، دیمە خـــــەو دێره
دیمە خەو سـەرم له لەشم جیــــاس
هنــــاێ هنـــــــاسم لە بن بڕیــــــاس
دیمە خەو چووڵە ئێ قـــــــەورسانه
هەرچێ مردگـــــۊ ئـــــــــــازا وسانه
تەک دام لە قەورێ ک° هن° خۆەمۊ
هــزارو چەن ساڵ هاو سن° خۆەمۊ
دەس بردم لە نوو ســـــــەرم چقانم
گرتمە خـــــەڕگ زەخمەیل° شــــانم
ئەگەر ئاشقم، تێشگم ها کـــــــوو؟!
ئەگەر زینگم، ڕیشگم هاکــــــــوو؟!
کورس ئەحمەدی