یه دانگ له بێده‌نگییم ئه‌ڕاد ده‌نگ بکریدام
تا بزانستیای ده‌نگه‌ی ده‌نگم له بان کام کۊیه ژنه‌فتیای
بیاتیای
وه‌ته‌نیه‌یل بێده‌نگم سه‌نگفه‌رش قه‌یم خه‌یریه‌یل بێره‌نگت کردیام
کاشکا بیاتیای
تا له دڵه‌پرته‌ت
وه دو ده‌سی گردن نیاز وه پێت یاگ بیاتیام
من وه‌گه‌ردێ دڵه‌چۊزه چاپ بکردیام
و تو وه‌لێ ته‌ل ته‌مۊره کووک بکردیای
بیاتیای
ناوهه‌ین زه‌ویه‌گان که‌س جیاواز نه‌کردیا
و من ناوهه‌ینه‌گان وه زووان نزیکی جاییز کردیام
کاشکا بیاتیای
تا شه‌رت بکردیام
سووڕ دیدار له بان ده‌رز دووسی
له وه‌ه‌ر سووێگ سوار سوواو بکردیام
ئەوجوو ک وه ملد بنیام
تا ناو دیده‌م وه ته‌نگه‌تاویت بنیام
بیاتیای
ئه‌لان هۊچ ئیمه‌یلێ بێ مه‌یل نه‌مه‌نیا
و هۊچ گرامی بێ سه‌فه نه‌مه‌نیا
هۊش ئینستای بێ گرام نه‌مه‌نی
سیامەک نەجەفی