وابکه‌یمن خوه‌ش خوه‌شه‌ک یه‌ی شیشه لەو به‌د مه‌سه‌وه

ساقــیم بید و بنەیدن ســـــه‌ر وه‌ داوانم چه بوود؟

من که گیان و عومر و ماڵم چی وه‌ تاڵان چه‌وت

کوفر زوڵفت ئه‌ر بوه‌یدن دین و ئیمانم چه بوود؟

هه‌ر چمانێگ مردمه، ئه‌ر یه‌ی که‌ڕه‌ت سه‌وزم بکه‌ی

لیمووم، سیفم، شمامه‌ی باخ و بووسانم چه بوود؟

شوون کی بگرم، له ئی زوڵماته مینەی کی بکه‌م

ئه‌ر تــــو بیده "خضر" ریم و ئاو حه‌یوانم چه بوود؟

وه‌خت خه‌فتن ئه‌ر بچی په‌رته‌و چه خاکی که‌یده سه‌ر

ئه‌ر بمینی هه‌م، نیه‌زانم ده‌ردته گیـــــانم چه بوود؟