ملوانكه‌گه‌د هه‌ف ڕه‌نگ به‌سيدن
چه‌پ چه‌پ گوڵ كه‌فێ وه‌ختێ خه‌نيدن
وه‌ختێ گوڵ سوو مه‌شكه‌گه‌د ژه‌نيد
كه‌ره دا كه‌فێ وه‌ڕوی خوه‌ر خه‌نيد
ئاوچای نه‌يده‌بان په‌س كه‌يده به‌رێ
شيريان ت دوشی به‌ركه‌ت تيه‌رێ
له‌دونيای موده‌يل ت بی خه‌وه‌ری
هه‌رچه‌ند سه‌راپا جڵوه‌ی هونه‌ری
ئه‌ڵماسێ عێشقی تاگه‌ر هه‌ميشه
ت عه‌وه‌ز نيه‌ويدن وه‌گه‌ردێ شيشه
هه‌ر شێعرێ ئويشم شورێ له‌تنه
هه‌رچه‌ند ك ئويشن يه قسيه‌ی منه
تا ئه‌وره كه چم شور بێ وه شێعرم
شاگردێ تنم تاوه‌ختێ مرم
ئه‌ڵماس عێشقی هه‌رجوور بتراشه‌د
ئه‌گه‌ر بشكيه‌ی قه‌شه‌نگه لاشه‌د
چوی شيشه ڕه‌نگ ساخته‌گی نييد
كه‌سێ نيه‌ويشێدن ت مه‌سنه‌وييد
تن دويه‌ته كوردی تا ئه‌به‌د مينی
وه نجابه‌تت سه‌ربه‌رزی سينی