په‌‌رده‌‌ى خه‌‌م لاده‌‌ شیرین شاره‌‌گه‌‌م

ئه‌‌سره‌‌گه‌‌د بسڕ ئه‌‌ى نازاره‌‌گه‌‌م

وه‌‌سه‌‌ ڕزگارید دراتید له‌ خه‌‌م

ئه‌‌وه‌‌ چه‌‌ن ساڵه‌‌ داگیر كریایده‌‌

وه‌ ‌ناهه‌‌ق دویره‌‌و له‌ ‌كورد خریایده‌‌

دوشمن ڕوى سیه‌‌ هویچ پى نه‌‌كریا

وه‌‌رگ  ئازادى جوان ئه‌‌راد دویریا

وه‌‌سه‌‌ مه‌‌رجه‌‌گه‌‌م هاوردمه‌ ‌دى

موباره‌‌كد بووگ وه‌‌رگ ئازادى

با روى سیه‌‌ بوون گشت دوشمنه‌‌گان

دى هه‌‌ر وه‌‌ى بكه‌‌ن لاڵ  بوون له‌ ‌زووان

سلیمانى و هه‌‌ولێر كه‌‌ركووك و زاخوو

ئویشن مه‌‌نده‌‌لى بڕازنه‌‌و له‌‌نوو

ئاوه‌‌دانى كه‌‌ن وه‌‌ته‌‌ور جوانى

وه‌‌شعر خوه‌‌ش  و به‌‌زم و گورانى

تاگه‌ر‌ بى خه‌‌م بوو له‌‌ ئى‌  ژیانه‌‌

له‌ ‌ئمڕوو ئه‌‌و دویا هن كوردستانه‌‌