روى نه‌م وه هه‌ر هه‌نازيگ هويورد وه گه‌ردمه‌و تێ

چه‌و ده‌م وه هه‌ر وڵاتێ،زه‌ڕه‌ى روييد دياره

ئه‌راى ره‌سين وه‌ پيدا، گه‌ورا كليل سه‌وزيگ

به‌سامه زريه‌گه‌ى ئه‌و داوود كه‌و سواره

كه‌مان ئه‌بروه‌يلد تيريگ ئه‌گه‌ر بخه‌يدن

سه‌ر و چه‌و  و دڵ و گيان، گشتى قه‌لار قه‌لاره

هه‌ر رووژ ئه‌راى سه‌ر به‌رزيد يه‌ى كه‌ڵه‌شێر دووا ده‌م

كه‌مه‌ى نواڵه و ئويشم يه نه‌زر خاون كاره

ده‌س كه‌مه مل سه‌وڵه‌گان، بوومه نه‌زر هه‌ناره‌يل

ده‌خيل به‌سامه‌سه قه‌ى ئه‌و باوه يادگاره

ويلكانه بويچگه‌ڵانه‌ى سه‌وزينه‌گه‌ى خياڵم

دى ئه‌راى لاوه‌لاوه‌يگ چه‌ويلم بى شه‌واره

كوشاننه‌و چراخه‌يل، ترويسكه‌ى وه دروو تيه‌ێ

له‌يلاى من ها وه ژير ئه‌و رووشنه ده‌واره