سویل چاو و قرچه‌ى دڵ و
دوعا و نزا و تامازرووییم
ئه‌سیر زندان خامووش خاكیه
زرانى خه‌م و په‌ژاره‌ى كوورى وجاخم
هاوده‌م و هاونشین شه‌وگار نائومیدیه
ئه‌ى خاستگاى نیازمه‌نده‌یل
فه‌ریادڕه‌س بێ ده‌نگه‌یل
وه حه‌ق ده‌رگاى بێ هاوتاد
وه حه‌ق رووزى بى شمارد
وه حه‌ق حه‌قانییه‌تد, به‌شكه‌م
قاپیه‌یل به‌سریاگ مه‌ینه‌تم
چراخ خامووش كه‌لاوه‌ى دڵم
وه باخ پڕ له ئاسیره‌د
ئاسیره‌ى دڵم رووشنه‌و بكه
ئه‌ى رووشنایى به‌خش جه‌هانیه‌یل
ئا: سۆندۆس مێرزا