گورزەیل ئاسمانی وەبان ناوچەیگ سەر وە سلێمانی و تورکیایش لەناوداین سەرکردەیگ لە پارێزگاگە راگەیان

شایەتحاڵەیل وە ئاژانس شەفەق نیوز وتن درۆنیگ کە مەزەنە کرێد سەر وە سووپای تورکیا بود بنکەی پەکەکە لە نزیک "توتاکەڵە" لە ناحیەی "ئاغجەلەر" سەر وە قەزای چەمچەماڵ کردیەسە ئامانج.

قائیمقام قەزای چەمچەماڵ رەمەک رەمەزان ئەرا پەیامنێر ئاژانس شەفەق نیوز دووپاتکرد رویداوەگە لەناوەین ساعەت شەش تا هەفت شەوەکی رویدایە، نەزانریاگە ئەو درۆنە لە کورەو هاتیە.

وتیش،  درۆنەگە لە ئاسمان  ناحیەی "ئاغجەلەر" بویە تا مەوقەی ئامادەکردن خەوەرەگە.

دووپاتکرد ئیدارەی ناوچەگە داوای هویچ دەسمیەتیگ نەکردیە ئەو شوینەی کریاسە ئامانج شوین دانیشتوان نییە.

ئاژانس "ئانادۆڵۆ"ی تورکیا، ئمڕوو چوارشەممە، راگەیان، هەواڵگێری وڵاتەگە "زەینەب ئەیفەر" سەرکردەی ناو پەکەکە لەناودانە، لە پارێزگای سلێمانی.

ئاژانسەگە ئاشکەرایکرد، زەینەب ئامادەکاری کردیە ئەرا پەلامارداین بنکەیل سەربازی تورکیا.