کوردستان کەفێدە ئامادەباشی لە نوای واران
دیلان رەشاد قسەکەر وەزارەتەگە لە کۆنگرەیگ رووژنامەوانی وت: شەپوول واران لە هەرێم کوردستان تا رووژ دووشەممەی ئایندە وەردەوامە.
وتیش: لە رووژەیل پەنجشەممە و جمعە واران رفتیگ لە ناوچە و شارەیل هەرێم کوردستان وارێد، دووپات کرد کە کاریگەری خوەڵوتووز لە ئاسمان هەرێم کوردستان لەوەر وارانەگە داوەزیا.
وەگورەی قسەی رەشاد، ئاست وارانەگە لە پارێزگایل هەڵەبجە و کەرکوک و ناوچەی راپەڕین لەو شارەیل هەرێم کوردستان فرەترە.
لەلای خوەییش، سەرکەوت کارش وەڕیەوبەر وەڕیەوبەرایەتی وەرگری شارستانی لە هەولێر وت: گشت ئەندامەیل وەرگری شارستانی لە هەرێم کوردستان هانە ئامادەباشی ئەرا هەر ئەگەریگ مەوقەی وارانەگە.
کارش وتیش؛ گشت ئەندامەیل وەرگری شارستانی لەو بنکە و ناوچەیلە بڵاو کریانە کە مقیتیکردن بیوەیی خەڵکەگە خوازن، وتیش؛ شوپوولەگە دەسوەپی کرد، و هامشوو ناوەین شارەیل ئەوەسا کەمەو بوود.
داوا لە رانندەی ماشینەیل و بارهەڵگرەیل کرد ئارام بوون لە رانین تا تویش رویداو نان، و داوا لەو هاوڵاتیەیلە کرد کە هانە نزیک چەم و جووەیل مقیتی خوەیان بکەن.
