تووپخانەیل تورکیا شوینەیل pkk لە باکوور دهۆک کەنە ئامانج
2023-12-06T12:19:17+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا شوینەیل پەکەکە لە باکوور پارێزگای دهۆک کریاسە ئامانج وە لایەن تووپخانەیل تورکیا.
سەرچەوەگە وە ئاژانس شەفەق نیوز وت، تووپخانەیل تورکیا، نیمەڕوی ئمڕوو،پەلامار شوینەیل پەکەکە دان، لە کنار کویەی مەتین لەقەزای ئامێدی باکوور پارێزگای دهۆک.
سەرچەوەگە وتیش، "ناوچەیگ لە دەوروگەرد ئاوای (كوهرەز وبلاڤه) رویوەریوی پەلامار تونیگ هاتنە، بویەسە جی نیگەرانی هاوڵاتیەیل ئاوایەیگە" وتیش "زەرد گیانی لەناو دانشتگ ئاوایەگە نییە، باوجی لەباوەت پەکەکە تا ئیسە کەس خەوەردار نییە".
