خانمە باڵیۆز ئەمریکا باس گرنگی بەشداریکردن عراق لە کۆنگرەی ئاو نیویۆرک کەێد
نویسینگەی راگەیانن سەرۆک کۆمار لە بەیاننامەیگ رەسیە ئاژانس شەفەق نیوز وت: سەرۆک کۆمار لە کۆشک بەغداد پیشوازی لە خانمە باڵیۆز ئەمریکا لەلای عراق کرد، و سەرۆک کۆمار دووپات لە قویلی پەیوەندیەیل ناوبەین دوو وڵاتەگە کرد، و باس پەیوەندیەیل ناوبەینیان کرد، و گرنگی قایمکردن هاوکاری و هەماهەنگی و راویژکاری لە باوەتەیل خاوەن گرنگی هاوبەش.
سەرۆک کۆمار دووپات لە گرنگی ئەوە کرد ک کۆنگرەی ئاو نیویۆرک چارەیلیگ ریشەیی ئەرا باوەتەگ ئاو و ئاڵشتبوین کەشوهەوا بگرێدە خوەی، ک عراق وە یەکیگ لە زیاتر وڵاتە زەرەدمەنەیل لەوەر کەم ڕاوی و هشکەساڵی دریەێدە قەڵەم.
رۆمانوفسکی دووپات لە گرنگی بەشداریکردن عراق لە کۆنگرەی ئاو کرد ک تەگبیرە لە نیویۆرک وەڕیەو بچوود، ئەوەیش لەبان ئەو کەم ئاویە و ئاڵشتبوین سەخت لە کەشوهەوا ک وەخوەی دوینێد، و باس لە ئومیدی کرد ک بڕیارەیل کۆنگرەگە بەشداری لە چارەیلیگ جدی ئەرا گرفت کەم ئاوی لە عراق بکەن.
