بەسرە زەنگ مەترسی کوتێد چوینکە نمەک رەسیە بەرزترین ئاستی
شەفەق نیوز/ فازڵ غەراوی ئەندام کۆمسیۆن ماف مرۆڤ، ئمڕوو چوارشەممە، وت: پارێزگای بەسرە زیان لە بەرزەوبوین تیژیگ لە ئاست نمەک وەخوەی دوینێد، دویای رەسین زوان نمەک ئەرا بەرزترین ئاستی، و هوشداری کرد ک ئەوە هەڕەشەیگ لەبان هاووڵاتیەیل و تەندروسییان وەشیوەیگ راستەوخۆ دەێد.
غەراوی لە بەیاننامیگ رەسیە ئاژانس شەفەق نیوز وت: داوەزین ئاست چەمەیل وکەمی واران وتەکانەیل ئاو لە دەوڵەتەیل هاوسا وەگەرد بەرزەوبوین تیژ لە پلەی گەرمی، ئەوانە بوینە هووکار سەرەکی ئەرا بەرزەوبوین ئاست نمەک لە پارێزگای بەسرە.
ودیاری کرد ک زەرەدمەنترین ناوچەیل خوەیان فاو وسیبە وئەبو خسێب وناوەند شارەگە بوین، ک گشتیان پشت وە ئاو بدعە لە شار ناسریە بەسن، وئەوەیش وەشیوەی گەورەیگ کەمەو بویە.
غەراوی هاوار فریاکەفتن لە سەرۆک وەزیرەیل، و وەزارەت سامانەیل ئاوی، ووزارەت دەرەوە کرد ئەرا زیایکردن تەکانەیل ئاو وەکوتپڕ لە جوو بدعە، وخەسەوکردن تەقەلایل دیبلۆماسی وەگەرد دەوڵەتەیل هاوسا ئەرا زیایکردن تەکانەیل ئاو لە چەم دیجلە و فورات ودروسکردن شانەیگ قەیران حکومەتی ئەرا رەفتارکردن وەرد ئی قەیرانە.
غەراوی هووشداری کرد ک دیرکەفتن لە داناین چارەیل ئەوەسا ئاست پیسی لە ئاوەگە وەشیوەی زوییگ پەیا کەێد، ک هەڕەشەی هاووڵاتییەیل و تەندروسییان وەشیوەیگ راستەوخۆ دەێد هەکاتی ساڵەیل گوزەشتە.
نزیکەی ٣٥٠ خیزان لە ناوچە وئاوایەیل باشوور بەسرە لە ساڵ ٢٠١٨ وەرەو باکوور بان گردەنەوەر تایبەت ئەرا قەزای ئەبو خەسیب وناحیەی سیبە، لەوەر بەرزەوبوین ئاست نمەک دەریایی.
